वर्षा र आकाशको जोडी भिडियोमा
काठमाडौं : ‘दिल तोडेर गयौं’ बोलको म्युजिक भिडियो सार्वजनिक भएको छ। जगदिश समालको स्वर रहेको गीतका शब्द सुरेन्द्र थेगिमका हुन् ।
संगीत नारायण सुवेदीको रहेको छ। गीतको म्युजिक एरेन्ज फणीन्द्र राईले गरेका हुन्। भिडियोमा नायिका वर्षा राउत र नायक आकाश श्रेष्ठलाई प्रेम जोडीका रूपमा प्रस्तुत गरिएको छ। सँगै मोडेल निराजन प्रधानलाई वर्षाको श्रीमानका रूपमा देखाइएको छ।
बुद्ध थापाले छायांकन भिडियोलाई विकाश धमलाले सम्पादन गरेका हुन्। निकेश खड्काको निर्देशनमा तयार भएको यस भिडियोलाई दर्शकको साथ र सकारात्मक प्रतिक्रिया प्राप्त भइरहेको छ ।