कैलालीको राजीपुरमा माइक्रोबसको ठक्करबाट महिलाको मृत्यु
असार २३, २०७६ सोमबार २०:४२:०
धनगढी : कैलालीको राजीपुरमा माइक्रोबसको ठक्करबाट एक महिलाको मृत्यु भएको छ। गौरीगंगा नगरपालिका वडा नम्बर ४ राजीपुर चोकमा माइक्रोबसले किच्दा सोही ठाउँकी ५० वर्षीय गौरी नेपालीको मृत्यु भएको इलाका प्रहरी कार्यालय चौमालाका इन्चार्ज विधुर चन्दले जानकारी दिए।
धनगढीबाट नेपालगञ्ज गइरहेको बा ५ ख ४०३१ नम्बरको माइक्रोबसले ठक्कर दिएपछि उनको घटनास्थलमै मृत्यु भएको हो।
माइक्रोबस र चालक राजु गिरी भने प्रहरी नियन्त्रणमा रहेको इलाका प्रहरी कार्यालय चौमालाले जनाएको छ। स्थानीयहरूले मृतक परिवारलाई क्षतिपूर्तिको माग सहित राजमार्ग अवरुद्ध गरेका छन्।
प्रतिक्रिया दिनुहोस !
