सिमकोट : हुम्ला कर्णाली नदीको किनारमा एक मिहलाको शव फेला परेको छ। सर्केगार्ड गाउँपालिका ४ साँयाको नागरास्थित कर्णाली नदीको किनारमा बुधबार बिहान ११ बजेतिर एक महिलाको शव भेटिएको सर्केघाड पुगेर फर्किएका प्रमुख जिल्ला अधिकारी धोलकराज ढकालले जानकारी दिए।
उनका अनुसार कर्णाली नदीमा शव भेटिएको सूचना पाएलगत्तै प्रहरी प्रमुख रामप्रसाद घर्तिमगरसहित आफू घटनास्थल गएको ढकालले अन्नपूर्णसँग भने, 'असार ३ गते खार्पूनाथमा भएको जीप दुर्घटनामा बेपत्ता भएका खार्पुनाथ गाउँपालिका उपाध्यक्ष सिन्दु हमाल शाहीको हुनसक्ने आशंकाले हामी त्यसतर्फ गएका थियौं।'
ढकालका अनुसार शव सर्केघाड प्रहरीको निगरानीमा राखिएको छ।असार ३ गते सिमकोटदेखि यांचुकुनातर्फ जाँदै गरेको जीप खार्पुनाग गाउँपालिकाको बेडुबिसौनामा दुर्घटना हुँदा उपाध्यक्ष सिन्धु शाही हमालसहित ११ जना अहिलेसम्म बेपत्ता छन्।
प्रतिक्रिया दिनुहोस !
