काठमाडौं : साहित्यकार डा. रवीन्द्र समीरको १२ औं कृति ‘मृत्युको आयु’ बजारमा आएको छ ।
मृत्युको आयु उपन्यास १ सय ६६ ससाना च्याप्टरमा लेखिएको छ । पुस्तकमा दैनिक अरबबाट फर्किने रातो बाकसका नेपाली श्रमिकको कथामा आधारित छ । उपन्यास पात्रको मृत्युदेखि सुरु भएर अन्तिम संस्कारको १३ औं दिनमा सकिन्छ ।
‘रातो बाकसमा उनीहरूको जीवनसँगै सपना र रहर पनि मृत भएर आउँछन् । यस्ता थुप्रै राता बाकसको प्रतिनिधित्व गर्ने एउटा रातो बाकसको कथा नै मृत्युको आयु हो’, आख्यानकार अमर न्यौपानेले भूमिकामा लेखेका छन् ।
आख्यानकार नयनराज पाण्डेले पनि एउटा खास किसिमको आकारमा आइरहेको नेपाली आख्यान क्षेत्रमा ‘मृत्युको आयु’ फरक खालको कथावाचन शैलीमा प्रस्तुत भएको बताए ।
ब्ल्याक ह्यूमरको प्रयोग यो सूत्र उपन्यासको अर्को बलियो पक्ष भएको उनको भनाइ छ । कलाकार हरिवंश आचार्यले मृत्युको आयु अनौठो उपन्यास भएको उल्लेख गरेका छन् । उनले भनेका छन्, ‘यो उपन्यास लेख्दा लेखकले आफ्नो मनलाई निकै काबुमा राख्नु पर्छ भने पाठकलाई झन् संवेदनशील र कारुणिक बनाउँछ ।’
प्रतिक्रिया दिनुहोस !
