बुटवल : सिद्धार्थ राजमार्गको बुटवल–तानसेन खडक खण्ड अन्र्तगत दोभानको हेडबक्स नजिकै पहिरोमा एक युवकको मृत्यु भएको छ। गुडिरहेको मोटरसाइकलसहित उनलाई पहिरोले बगाएको थियो।
पहिरोमा बगेर भीरमा अड्किएका पाल्पा मित्यालका ३१ बर्षीय धन बहादुर सुनारीको उद्धार नहुँदै मृत्यु भएको हो। उनी सवार लु ५० प ४६७१ नम्बरको मोटरसाइकल तिनाउ बगरमा भेटिएको छ।
सो स्थानमा खसेको पहिरोका कारण सडक अवरुद्ध भएको इलाका प्रहरी कार्यालय बुटवलका प्रमुख भीमलाल भट्टराईले जानकारी दिए।
हेडबक्स नजिकै खसेको पहिरोमा गत वर्ष ६ जनाको मृत्यु भएको थियो। वर्षा सुरु भएसँगै सो स्थानमा पहिरो खस्ने र बाटो खुलाउने क्रम चलेको छ।
प्रतिक्रिया दिनुहोस !
