धनगढी : धनगढी उप–महानगरपालिकाले सडक क्षेत्रमा पर्ने आफ्नो संरचना आफै भत्काउने र नगरका उत्कृष्ट करदातालाई सम्मान गरेको छ। सोमबार चौंथो नगरसभा समापन कार्यक्रममा सडक क्षेत्रमा परेको संरचना भत्काएर सहयोग गर्ने सचेत नागरिकको रुपमा धनगढी उप–महानगरपालिका–२ की डम्बरदेबी भट्ट र धनगढी उप–महानगरपालिका १ एलएन चोकका प्रकाशजंगबहादुर स्वाँरलाई सम्मान गरेको हो।
उनीहरुलाई दोसल्ला र कदरपत्रका साथ नगर प्रमुख नृपबहादुर वड र उप–प्रमुख सुशिला मिश्र भट्टले सम्मान गरेका हुन्। त्यस्तै उप–महानगरपालिकामा सबैभन्दा बढी कर तिर्ने किशोर सिलवाल र नियमित कर तिर्ने अन्नपूर्णदेवि गुप्तालाई सम्मान गरिएको छ।
उप–महानगरपालिका–६ को वडा कार्यालय भवन निर्माणका लागि जग्गा प्रदानगर्ने धनगढी उप–महानगरपालिका ६ का अशोक पन्तलाई कदरपत्र र दोसल्ला ओढाएर नगरसभामा सम्मान गरिएको उप–महानगरपालिकाका प्रमुख प्रशासकिय अधिकृत नारायण प्रशाद सापकोटाले बताए ।
प्रतिक्रिया दिनुहोस !
