धनगढी : कैलालीको घोडाघोडी नगरपालिका-१ मा मोटरसाइकल दुर्घटना हुँदा एकजनाको मृत्यु भएको छ। बुधबार राति ११ बजेतिर घोडाघोडी मन्दिर नजिकै से ७ प १३४७ नम्बरको मोटरसाइकल दुर्घटना हुँदा एकजनाको मृत्यु भएको छ भने अर्का एकजना घाइते भएका छन्।।
मृत्यु हुनेमा मोटरसाइकलमा सवार घोडाघोडी नगरपालिका-४ सिमथरीका २६ वर्षीय अशोक चौधरी रहेको ईलाका प्रहरी कार्यालय सुखडका प्रहरी निरीक्षक यक्षराज जोशीले जानकारी दिए। मृतक चौधरीको घोडाघोडी अस्पताल सुखडमा उपचारका क्रममा मृत्यु भएको हो।
त्यस्तै, दुर्घटनामा परी मोटरसाइकल चालक घोडाघोडी नगरपालिका-४ रामशिखरझालाका करिब ३० वर्षीय प्रेमबहादुर चौधरी गम्भीर घाइते भएका छन्। घाइते चौधरीको घोडाघोडी अस्पतालमा उपचार हुन नसकेपछि शुत्रबार राति नै कोहलपुर रेफर गरिएको प्रहरी निरीक्षक जोशीले जानकारी दिए।
प्रतिक्रिया दिनुहोस !
