टीकापुर : कैलालीको मोहन्याल गाउँपालिका–७ मा भीर माहुरीको मह काढ्ने क्रममा रुखबाट लडेर एकजनाको ज्यान गएको छ ।
जानकी गाउँपालिका–९ अमरावतीका ३३ वर्षीय हिरो विष्टको माहुरीको टोकाइबाट रुखबाट लडेपछि मृत्यु भएको हो । इलाका प्रहरी कार्यालय चिसापानीका अनुसार जंगली माहुरीले टोकेर रुखबाट लडेपछि विष्टको टीकापुर अस्पताल लैजाँदै गर्दा मृत्यु भएको हो ।
प्रहरी निरीक्षक दीपेन्द्र केसीका अनुसार पाँचजनाको समूहमा जंगली माहुरीको मह काढ्न रुखमा चढेका उनलाई ओर्लिने क्रममा माहुरीले टोकेको थियो । उनको शव पोष्टमार्टका लागि टीकापुर अस्पतालमा राखिएको छ ।
प्रतिक्रिया दिनुहोस !
१
