जंगलमा 'लुकाइराखेको' भरुवा बन्दुक प्रहरीले भेट्टायो
साउन ४, २०७६ शनिबार २१:३८:०
बाजुरा : जिल्ला प्रहरी कार्यलय बाजुराबाट खटिएको प्रहरी टोलीले बडिमालिका नगरपालिका–९ फडिल्लाको जंगलमा एक थान भरुवा बन्दुक फेला पारेको छ ।
शनीबार दिउसो प्रहरी नीरिक्षक जनकराज ढुंगानाको नेतृत्वमा खटिएको टोलीले फडिल्ला बस्ती नजिकैको जंगलमा लुकाएर राखिएको अवस्थामा बन्दुक फेला पारेको जनाएको हो ।
जिल्ला प्रहरी कार्यालय बाजुराका प्रमुख प्रहरी नायव उपरीक्षक उद्धवसिंह भाटका अनुसार जंगलमा बेवारिसे बन्दुक लुकाएर राखिएको अवस्थामा थियो । उक्त बन्दुक कसले राखेको भन्ने बारेमा अनुसन्धान भइरहेको प्रमुख भाटले बताए । बाली खान आउने जंगली जनावर तथा बाँदर धपाउन स्थानीयले लुकाएर राखेको हुनसक्ने भाटको भनाइ छ ।
मदिरा पनि बरामद
प्रहरी टोलीले फडिल्ला गाउँमा पाँच सय ६५ लिटर अवैध मदिरा तथा मदिरा बनाउने कच्चा पदार्थ समेत बरामद गरी नष्ट गरेको छ । गाउँकै अगुवाहरुको रोहवरमा सोही ठाउँमा मदिरा नष्ट गरिएको जिल्ला प्रहरी कार्यलय बाजुराले जानकारी दिएको छ ।
प्रतिक्रिया दिनुहोस !
