सुर्खेत : नेपाल कम्युनिस्ट पार्टी (नेकपा) को सचिवालय बैठकले ७७ जिल्ला र ६ महानगरपालिकाका इन्चार्ज र सह–इन्चार्जको नाम टुंगो लगाएको छ। प्रधानमन्त्री निवास बालुवाटारमा आइतबार बसेको बैठकले ७७ जिल्ला र ६ महानगरपालिकाका इन्चार्ज र सह–इन्चार्जको टुंगो लगाएको हो।
त्यस अन्तर्गत कर्णाली प्रदेशका विभिन्न जिल्लाका इन्चार्ज र सह–इन्चार्जको नाम पनि टुंगो लागेको छ। प्रदेश राजधानी रहेको सुर्खेत जिल्ला इञ्चार्जमा पूर्वमाओवादी केन्द्रका नरबहादुर विष्ट चयन भएका छन्। त्यस्तै सुर्खेतकै सह–इन्चार्जमा झकबहादुर मल्ल चयन भएका छन्। 
दैलेख : इन्चार्जमा पूर्वएमालेका राजबहादुर बुढा र सह-इन्चार्जमा पूर्वएमालेकै लक्ष्मीप्रसाद पोख्रेल चयन भएका छन्।
जाजरकोट: इन्चार्जमा पूर्वएमालेका भैरवसुन्दर श्रेष्ठ र सहइन्चार्जमा पूर्वएमालेका गोविन्दविक्रम शाह, निरज आचाय र पूर्वमाओवादी केन्द्रबाट रामदीप आचार्य चयन भएका छन्।
सल्यान: इन्चार्जमा पूर्वमाओवादीका टेकबहादुर वस्नेत र सह-इन्चार्जमा पूर्वएमालेका गुलावजंग शाह चयन भएका छन्।
रुकुमपश्चिम: इन्चार्जमा पूर्वमाओवादीका राजकुमार शर्मा र सह-इन्चार्जमा पूर्वएमालेका शेरबहादुर केसी र पूर्वमाओवादीका शेरबहादुर केसी चयन भएका छन्।
जुम्ला: इन्चार्जमा पूर्वमाओवादीका गजेन्द्रबहादुर महत र सहइन्चार्जमा पूर्वमाओवादीकै नरेश भण्डारी चयन भएका छन्।
कालिकोट: इन्चार्जमा पूर्वमाओवादीका महेन्द्रबहादुर शाही चयन भएका छन्।
मुगु: इन्चार्जमा पूर्वएमालेका मोहन बानियाँ र सह-इन्चार्जमा पूर्वएमालेकै चन्द्रबहादुर शाही चयन भएका छन्।
हुम्ला: इन्चार्जमा पूर्वमाओवादीका विजय भण्डारी चयन भएका छन्।
डोल्पा: इन्चार्जमा पूर्वएमालेका हंशबहादुर शाही चयन भएका छन्।
प्रतिक्रिया दिनुहोस !
