ताप्लेजुङ : वर्षासँगै खसेको पहिरोले ताप्लेजुङको सिदिङ्वा गाउँपालिका-६ मेहेलेका नवनारायण विष्टको परिवार विस्थापित भएको छ।
परिवारलाई सुरक्षित स्थानमा सारिएको इलाक प्रहरी कार्यालय तेल्लोकका प्रहरी निरीक्षक ब्रम्हदेव शाहले जानकारी दिए। अहिले उनको परिवार छिमेकीको शरणमा छ।
करिब ३० मिटर माथिबाट खसेको पहिरोले विष्टको आँगन र सिकुवा पुरेको गाउँपालिका उपाध्यक्ष जीवन ताम्लिङले बताए दिए।
‘गएरातिको भिषण वर्षापछि पहिरो फुटेर घरको आधा भाग पुरेछ,’ ताम्लिङले भने, ‘पानी पर्नेक्रम नरोकिएकाले थप क्षति नहोस् भनेर सुरक्षित स्थानमा सारेका हौं।’
साथै पहिरोले सुन्तले खोला लघु जलविद्युत् आयोजनाको प्रशारण लाइनमा क्षति पुगेको छ। स्थानीय कैलाश लिङ्देनका अनुसार पहिरोका कारण मेहेका वडा नम्बर १,२ र ३ को विद्युत् अवरुद्ध छ।
प्रतिक्रिया दिनुहोस !
१
