तनहुँ : नेत्रविक्रम चन्द नेतृत्वको नेपाल कम्युनिस्ट पार्टीका दुई कार्यकर्ता पक्राउ परेका छन् ।
तनहुँ प्रहरीले मंगलबार बिहान दमौली बजारबाट व्यास नगरपालिका–१४ केशवटार निवासी नेत्रप्रसाद थापा र भानु–२ भकुन्थोक निवासी विष्णुकुमार श्रेष्ठलाई पक्राउ गरेको हो ।
थापा पार्टीको युवा संगठन नेपालका जिल्ला अध्यक्ष र श्रेष्ठ युवा संगठन नेपालका जिल्ला सचिव रहेको प्रहरी नायब उपरीक्षक लिलाप्रसाद लामिछानेले जानकारी दिए ।
प्रहरीले तनहुँका विभिन्न भागबाट विप्लव समुह सम्बद्ध कार्यकर्तालाई पक्रने क्रमलाई तीव्रता दिएको छ । यसअघि डुम्रे, दमौली तथा आसपासका ठाउँबाट पार्टीका जिल्लास्तरका नेता कार्यकर्ता पक्राउ परेका थिए ।
प्रतिक्रिया दिनुहोस !
