सिरहा : सिरहाको सुखीपुर नगरपालिका ८ गोठचौकबाट लागुऔषधसहित प्रहरीले बिहीबार आमा-छोरालाई पक्राउ गरेको छ।
पक्राउ पर्नेमा बरियारपट्टि गाउँपालिका ४ तेनुवापट्टिका ३४ वर्षीया सीतादेवी यादव र उनकै छोरा १८ वर्षीय रामजीवन यादव रहेको जिल्ला प्रहरी कार्यालय सिरहाका प्रवक्ता डीएसपी अपिलराज बोहराले जानकारी दिए।
बोहोराका अनुसार पक्राउ परेका आमा-छोराले भारतीय बजारबाट लागुऔषध ओसारपसार गर्दै आएको खुलेको छ। ३९ एम्पुल फेनारगन र ३५ पिस डाइजोपाम झोलामा लुकाएर राखेको अवस्थामा भेटिएको उनले बताए।
यसैबीच, बुधवार भारतीय बजारबाट लागुऔषध नेपाल ल्याउँदै गरेका अस्थामा सिरहा नगरपालिका ४ का २३ वर्षीय मोहम्मद सालिक सिद्धिकी पनि पक्राउ परेका छन्। स ६प ५२०५ नम्बरको मोटरसाइकलमा सवार सिद्धिकीको साथबाट प्रहरीले नाइट्राभेट ११ पिस र १० ग्राम गाँजा बरामद गरेको हो।
प्रतिक्रिया दिनुहोस !
