जाजरकोट : नेत्रविक्रम चन्द विप्लव नेतृत्वको नेकपा निकट युवा दस्ता युवा संगठन नेपाल जाजरकोटका जिल्ला अध्यक्ष खडक सिंहलाई प्रहरीले पक्राउ गरेको छ। प्रहरीले सिंहलाई सुर्खेतबाट प्रकाउ गरेको हो।
सुर्खेत प्रहरीले सिंहलाई जाजरकोट पठाएको छ। सिंहमाथि चन्दा असुली र व्यक्ति अपहरणको मुद्धा लगाउने तयारी भइरहेको जाजरकोटका प्रमुख जिल्ला अधिकारी ललितकुमार वस्नेतले बताए।
जाजरकोटका साथै अन्य जिल्लामा चन्दा संकलन तथा अपराधिक गतिविधि गरिरहेको सूचनाका आधारमा सिंहलाई पक्राउ गरेको प्रमुख जिल्ला अधिकारी बस्नेतले बताए।
सरकारले केही समय अघि विप्लव समूहलाई प्रतिबन्ध लगाएपछि धेरै नेता तथा कार्यकर्ता अर्धभूमिगत भएका छन्।
प्रतिक्रिया दिनुहोस !
