सिरहा : सिरहाको कल्याणपुर नगरपालिका–११ परचिल्बा गाउँबाट १२ बोरको एकनाले बन्दुकसहित दुईजना पक्राउ परेका छन् ।
सोही ठाउँका १९ वर्षीय मनिषकुमार मण्डल र वडा नम्बर ३ इटारीप्रसाही गाउँका जाकिर मंसुरीलाई प्रहरीले पक्राउ गरेको हो । सिरहा प्रहरी प्रमुख एसपी उमाप्रसाद चर्तुवेदीका अनुसार उनीहरु हतियार किनबेचका लागि ९० हजार रुपैयाँमा मोलमोलाई गरिरहेका थिए ।
यस्तो खबर पाएपछि प्रहरी टोलीले उनीहरुलाई पछ्याउँदै गइ पक्राउ गरेको जनाएको हो । पक्राउ परेका मण्डल र मंसुरीको साथबाट भारतीय नम्बर प्लेटर बीआर ३२ क्यू १३८० को मोटरसाइकल पनि बरामद भएको छ ।
उनीहरुलाई हातहतियार तथा खरखजाना अन्तर्गत मुद्दामा म्याद थप गरी अनुसन्धान भइरहेको एसपी चर्तुवेदीले बताए । दुबैजनालाई इलाका प्रहरी कार्यालय मिर्चैयामा राखिएको छ ।
प्रतिक्रिया दिनुहोस !
