काठमाडौं : सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ परिवारसहित यूएईतिर लागेका छन्। दुईजना छोरी, श्रीमती र नातिनीहरुसँग मंगलबार बिहान साढे नौं बजे प्रचण्ड दुबई उडेका हुन्।
भरतपुर महानगरपालिकाकी मेयर रेणु दाहाल, प्रचण्डकै सचिवालयमा कार्यरत छोरी गंगा दाहाल र नातिनीहरु पनि भ्रमणमा गएको प्रेस संयोजक विष्णु सापकोटा जुगलले जानकारी दिए।
‘मेडम (सीता)ले पटक-पटक दुबई जाने मनसाय व्यक्त गरेपछि उहाँहरु त्यहाँ जान तयार हुनुभएको हो’,सापकोटाले भने,‘यो भ्रमण विशुद्ध पारिवारिक मात्रै हो।’ प्रचण्ड परिवार १८ गते स्वदेश फर्किने उनले जानकारी दिए।
प्रतिक्रिया दिनुहोस !
