टीकापुर : कैलालीको टीकापुरमा मोटरसाइकल दुर्घटनामा एक युवकको मृत्यु भएको छ। डुँडेझारीबाट टीकापुरतर्फ आउने क्रममा भएको दुर्घटनामा लम्की चुहा नगरपालिका ३ चिसापानीका १९ वर्षीय पुरन साउदको ज्यान गएको हो।
इलाका प्रहरी कार्यालय टीकापुरका अनुसार से ५ प ८७०५ नम्बरको मोटरसाइकल सडकबाट चिप्लिएर दुर्घटना भएको थियो। मोटरसाइकलमा तीन जना सवार रहेका थिए। इलाका प्रहरी कार्यालय टीकापुरका प्रमुख डीएसपी मनोहरप्रसाद भट्टले दुर्घटनामा १९ वर्षीय योगेश मल्ल र लम्कीका १६ वर्षीय चालक सौगात पौडेल सामान्य घाइते छन्।
घाइतेहरुको टीकापुर अस्पतालमा उपचार भइरहेको छ। मृतक साउदको शव टीकापुर अस्पतालमै राखिएको छ। साउदको उपचारका क्रममा मृत्यु भएको हो।
प्रतिक्रिया दिनुहोस !
१
