काठमाडौं, : गायिका सहिमा श्रेष्ठको ‘हर हर महादेव’ बोलको गीत सार्वजनिक गरिएको छ। तीजमा व्रत बस्दा पनि कोही साथी नभेटिएको गुनासो गर्दै यो वर्षको व्रतले शिरमा सिन्दूर भरिदिने कोही त आइदेऊ भन्ने आग्रह गरिएको छ। गीतमा सन्तोष श्रेष्ठको संगीत र अमर वान्तुको शब्द रहेको छ।
कृष्ण पुनको एरेन्ज रहेको गीतको भिडियोमा अभिनेत्री नीता ढुंगाना मुख्य भूमिकामा छिन्। उनीसँगै गायिका श्रेष्ठले पनि गीतमा ठुम्का लगाएकी छन्। गीतको भिडियोमा अभिनेत्री पवित्रा आचार्यको कोरियोग्राफी छ। सुप्रिम पराजुलीले सम्पादन गरेको भिडियो दिव्य सुवेदीले खिचेका हुन्।
त्यस्तै, अर्को आधुनिक गीत संग्रह ‘अमर भावना २’ को पनि सोही कार्यक्रममा विमोचन गरियो। कार्यक्रममा उक्त एल्बममा समावेश ‘तिम्रो सहर’ बोलको गीतको भिडियोसमेत देखाइएको थियो। वसन्त निरौलाको निर्देशन तथा पवित्रा आचार्यको कोरियोग्राफी रहेको गीतमा गायिका सहिमा श्रेष्ठको स्वर तथा दीपक शर्माको संगीत छ भने गीतकार अमर वान्तुका शब्द छन्। गीतको भिडियोमा नायक अनुपविक्रम शाही र नायिका आँचल शर्माको अभिनय छ। गीतकारद्वय एसपी कोइराला, राजेन्द्र थापा, चलचित्र निर्देशक दीपा श्री निरौलालगायतले विमोचन कार्यक्रममा सहभागी थिए।
प्रतिक्रिया दिनुहोस !
