बाजुरा : विप्लव समूहका एक कार्यकर्तालाई प्रहरीले पक्राउ गरेको छ। कोल्टीबाट प्रहरी नायव निरीक्षक शेरबहादुर कुँवरको कमाण्डमा खटिएको प्रहरीको टोलीले बुढिनन्दा नगरपालिका १ का २३ वर्षीया लालबहादुर शाहीलाई घरबाटै पक्राउ गरिएको जिल्ला प्रहरी कार्यालय बाजुराका प्रहरी उपरीक्षक उद्धबसिंह भाटले जनकारी दिए।
शाहीको साथबाट एक थान कुखुरी, ६ वटा डाइरी र ४४ थान पर्चा पम्पलेट समेत बरामत गरेको छ। अघिल्लो पटक पक्राउ परेर छोडिएका शाही फेरी सोही गतिविधिमा लागेको प्रहरीले जनाएको छ।
घरबाटै गिरफ्तारीमा परेका शाहीमाथि राज्यविरुद्धको कसुरमा मुद्दा दर्ता गरिएको प्रहरीले जानकारी दिएको छ।
प्रतिक्रिया दिनुहोस !
