ब्राड्ली कुपर र इरिना सायकको चारवर्षे प्रेम सम्बन्ध हालसालै टुट्यो। मिडियामा लेडी गागा यसका लागि दोषी करार भइन्। भएभरका मनोरञ्जन कोलममा ब्राड्ली र गागालाई जोडेर समाचार आए। दुवैको अफेयर रहेको अनुमानमा आज पनि समाचार लेखिने क्रम रोकिएको छैन।
वाक्क भएर होला, गागाले यस्ता हल्लाको जवाफ दिने जुक्ति निकालेकी छिन्। उनले उनकै अडियो इन्जिनियर डान हर्टनसँग किस गरिरहेको तस्बिर सार्वजनिक गरेर ब्राड्लीसँगको अफेयरको हल्लालाई सदाका लागि बन्द गरेकी छिन्।
डान र गागा केही समययता नयाँ गीतका लागि काम गरिरहेका छन्। दुवैको अफेयरलाई डानको पूर्वपत्नीको व्यंग्यले पनि पुष्टि गरेको छ। उनले गागाकै गीत ‘पोकर फेस’ इन्स्टामा सेयर गर्दै दुवैको सम्बन्धलाई व्यंग्य गरेकी छिन्।
गागालाई प्रेम गर्ने मान्छे भेट्न त गाह्रो छैन तर टिक्न गाह्रो छ। भर्खरै पनि उनको क्रिस्चियन टारिनोसँगको इन्गेजमेन्ट टुटेको थियो।
प्रतिक्रिया दिनुहोस !
