दैलेख : महाबु गाउँपालिका-१ खरिगैरामा जिप दुर्घटना हुँदा ४ जना घाइते भएका छन्। खरिगैराबाट मान्म जान लागेको बा १६ च ४३६६ नम्बरको पिक अप जिप जयन्ती मावि नजिकै शुक्रबार दुर्घटना भएको हो। दुर्घटनामा चालक रमेश केसीसहित अन्य ३ जना घाइते भएको स्थानीय गोबिन्द भट्टराईले जानकारी दिए।
जिप हिलोमा चिप्लिएर सडकदेखि करिब १ सय मिटर तल खसेको छ। गम्भीर घाइते भएका चालक केसीलाई उपचारका लागि एम्बुलेन्सबाट सदरमुकाम ल्याइँदै छ भने अन्यको स्थानीय मेडिकलमा उपचार भइरहेको छ। घटनाबारे प्रहरीले अहिलेसम्म जानकारी प्राप्त नभएको बताएको छ। विस्तृत विवरण आउन बाँकी छ।
प्रतिक्रिया दिनुहोस !
