धादिङ : धादिङको बेनिघाट रोराङ गाउँपालिका वडा नम्बर ९ मझिमटारबाट आठ किलो पाँच सय ग्राम लागुऔषध गाँजासहित तीनजना पक्राउ परेका छन्।
बसको सिटमाथि कपडाको झोलामा लुकाएर राखेको अवस्थामा जोगिमारा प्रहरीको टोलीले गाँजा बरामद गरेको हो। सन्जोगलाई नियन्त्रणमा लिएर सोधपुछ गर्दै जाँदा प्रतिबन्धित लागुऔषध गाँजा मलेखुबाट पोखरातर्फ जाँदै गरेको ग १३ प ५०४९ नम्बरको स्कुटरमा सवार व्यक्तिहरुको रहेको खुल्यो। उनकै सूचनाको आधारमा स्कुटर चालक स्याङजा जिल्ला चिनिबासका नयन थापामगर र स्कुटर पछाडी बस्ने कास्कीको लेखनाथ महानगरपालिका वडा नम्बर ९ बस्ने संगीत विकलाई जोगीमारा प्रहरीले पक्राउ गरेको हो।
पक्राउ पर्नेहरुलाई लागुऔषध ओसार पसार ऐन अन्तरगत कारवाही प्रक्रिया अगाडी बढाइएको जिल्ला प्रहरी कार्यलय धादिङका सूचना अधिकारी डीएसपी रुपक खड्काले जानकारी दिए।
प्रतिक्रिया दिनुहोस !
