बाजुरा : पहिरोले सडक भत्काएपछि बाजुरा सदरमुकामको यातायात एक हप्तादेखि अवरुद्ध भएको छ। लगातारको वर्षाका कारण अछामको साँफेबगर भएर मार्तडी जोड्ने सडक भासिएपछि यातायात अवरुद्ध भएको हो।
यातायात बन्द भएपछि बाजुरा सदरमुकाम आउने र बाहिर जाने यात्रुहरुलाई सास्ती भएको छ। त्रिवेणी नगरपालिकाको पैमा गाउँको क्षेउबाट पहिरो बग्न थालेपछि बुढिगंगा नदिले बल्देदेखि अमकोट र बडिमालिका नगरपालिकाको सिमाना हरडेको खोलासम्मको करिब पाँच सय मिटर सडक पहिरोले भासिन थालेको छ।
शनिबार रातिदेखि आएको वर्षाले बल्देमा सडक भासिएकाले यातायातका साधनहरु बल्दे बजार भन्दामाथि आउन नसकेको प्रमुख जिल्ला अधिकारी गंगाप्रशाद न्यौपानेले बताए।
‘पाँचसय मीटर सडकका लागि नयाँ सर्भे गर्ने सहमति भएको छ, त्यसका लागि सडक डिभिजन कार्यालय साँफेबगरसँग समन्वय भइरहेको छ’, प्रमुख जिल्ला अधिकारी न्यौपानेले भने।
प्रतिक्रिया दिनुहोस !
