बाजुरा : बाजुरा जिल्ला अस्पतलामा एक सुत्केरीको मृत्यु भएको छ ।
बडिमालिका नगरपालिका–६ जिल्लाकी २१ वर्षीया बसन्ती नेपालीको मृत्यु भएको जिल्ला अस्पताल बाजुराका निमित्त कार्यलय प्रमुख रोहित गिरीले बताए । जिल्ला अरुपताल बाजुराका एमडिजीपी डाक्टर दुर्गा महर्जनका अनुसार सुत्केरीको पाठेघर र सालको बीचमा रगत बगेको थियो ।
साथै पाठेघरमा आमाको रगतसँग मिसिएर मुटु र फोक्सोमा गएर स्वास फेर्ने नलिनै बन्द भएकोले मृत्यु भएको हुनसक्ने डाक्टर दुर्गा महर्जनको भनाइ छ । स्वास्थ्यकर्मीले साउन २६ गतेदेखि २ गतेसम्म सुत्केरी हुने मिति तोेकेको र दुई गते जिल्ला अस्पताल आउनुपर्ने बताएका थिए ।
सुत्केरी ढिलो गरी अस्पताल आएकोले यस्तो समस्या आएको उपचारमा संलग्न स्वास्थ्यकर्मीहरुले बताएका छन् । शिशु जन्मेको केही एक घण्टासम्म आमाको अवस्था राम्रो रहेको र एक्कासी स्वास्थ्यमा समस्य आएर मृत्यु भएको निमित्त कार्यलय प्रमुख रोहित गिरीले बताए ।
प्रतिक्रिया दिनुहोस !
