दमौली : तनहुँको व्यास–१३ छाब्दीस्थित छाब्दी मार्गमा आइतबार बसको ठक्करबाट एकजनाको मृत्यु भएको छ ।
दमौलीबाट छाब्दी जाँदै गरेको ग १ ख २७०३ नम्बरको यात्रुवाहक बस उकालोमा जाँदै गर्दा अचानक ‘ब्याक’ हटेको थियो । उकालो चढ्न नसकेर ब्याक हट्दै गरेको बसले पैदलयात्री स्थानीय एक महिलालाई ठक्कर दिँदा उनको मृत्यु भएको हो ।
प्रहरीका अनुसार गोठको काम सकेर सडकमा निस्किएकी ४० वर्षीया गोमा पन्थको बसको ठक्करबाट ज्यान गएको हो । बसको पछाडिको भागबाट ठक्कर लागेर घाइते भएकी पन्थलाई उपचारका लागि दमौली ल्याउने क्रममा बाटोमै मृत्यु भएको प्रहरीले जनाएको छ । घटनापछि प्रहरीले बस र चालकलाई नियन्त्रणमा लिएको छ ।
प्रतिक्रिया दिनुहोस !
