बेटिसको पोस्टमा बार्सिलोनाको ५ गोल
![बेटिसको पोस्टमा बार्सिलोनाको ५ गोल](https://annapurnapost.prixacdn.net/media/albums/barcelona-grezman_20190826011747_4YNysnVCFZ.jpg)
बार्सिलोना : स्पेनिस ला लिगाको यस सिजनमा डिफेन्डिङ च्यम्पियन बार्सिलोनाले पहिलो जित दर्ता गरेको छ । आइतबार भएको खेलमा रियल बेटेसिलाई ५–२ ले हराउँदै प्रभावशाली जित हात पारेको हो ।
बार्सिलोनाको घरेलु मैदानमा भएको खेलमा सुरुवाती अग्रता भने रियल बेटिसले बनाएको थियो । १५औं मिनेटमा नबिल फेकिरले गोल गर्दै बेटिसलाई अग्रता दिलाएका थिए । यसै सिजन एथ्लेटिको मड्रिडबाट बार्सिलोना सरेका फ्रान्सेली स्ट्राइकर एन्टोनी ग्रिजम्यानले ४१औं मिनेटमा गोल गरी खेल बराबरी गरे । बार्सिलोनाका लागि ग्रिजम्यानको यो पहिलो गोल हो । उनले ५०औं मिनेटमा अर्काे गाले थपेर टोलीलाई अग्रता दिलाए ।
त्यसपछि पेरेजले ५६औं, अल्बाले ६०औं र भिडालले ७७औं मिनेटमा गोल गरे । रियल बेटिसका लागि गार्सियाले ७९औं मिनेटमा अर्काे गोल गरेपनि त्यो खेलमा फर्कनका लागि पर्याप्त बनेन ।
पहिलो खेलमा एथ्लेटिक बिल्बाओसँग हार व्यहोरेको बार्सिलोना लयमा फर्किएको छ । आइतबारको खेलमा बार्सिलोना स्टार खेलाडीद्वय मेसी र स्वारेजबिनै मैदानमा उत्रिएको थियो ।
आइतबार नै भएका ला लिगाका अन्य खेलमा एथ्लेटिको मड्रिडले लेगानेजलाई १–० र रियल सोसिडाडले रियल माल्लोर्कालाई १–० ले हराए । आलाभेज र स्पानिओलले गोलरहित बराबरी खेले ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)