दार्चुला : शुक्रबार रातिको अबिरल वर्षाका कारण महाकाली राजमार्गको गोकूलेश्वर दार्चुला सडकखन्डमा पहिरो गई सडक अवरुद्ध भएको छ। शैल्यशिखर नगरपालिकाको वडानम्बर ६ ग्वानीमा गएको पहिरोले सडक अवरुद्ध भएको हो।
पहिरोका कारण सडक अवरुद्ध हुँदा लामो तथा छोटो दुरीका सवारी साधन ग्वानीमा रोकिएका छन्। सडक खुलाउन गोकुलेश्वरबाट जेसिबी आउन लागेको प्रहरीले जनाएको छ। अवरुद्ध भएको सडकमा खसेको पहिरो छिट्टै हटाउने प्रयास भइरहेको जिल्ला प्रहरी कार्यालय दार्चुलाले जनाएको छ।
प्रतिक्रिया दिनुहोस !
