१५ वर्षीया गौफलाई पराजित गर्दा टेनिस स्टार ओसाका भावविह्वल
एजेन्सी : जुनसुकै जितमा जो कोही पनि रमाउँछ, मुस्कुराउँछ । कहिलेकाहीँ खुसीको आँसु पनि खस्छ । तर गएराति भएको यूएस ओपन टेनिस खेलमा भने न जितमा खुसीको आँसु थियो न हारमा भएको दुःखको आँसु नै।
गएराति अन्तिम १६ का लागि भएको यूएस ओपन टेनिसको खेल सकिने वित्तिकै खेलाडी र दर्शक भावविह्वल भए । प्रतिस्पर्धामा थिए डिफेन्डिङ च्याम्पियन जापानी खेलाडी नाओमी ओसाका र भर्खरै करियर सुरुवात गरेकी अमेरिकी खेलाडी १५ वर्षीय कोको गौफ । ओसाका अन्तिम १६ मा पुगिन गौफ प्रतियोगिताबाट बाहिरिइन्।
जब ओसाकाले गौफलाई ६–३ र ६–० को सोझो सेटमा पराजित गरिन्, गौफले आँसु थाम्न सकिनन् । उनलाई ढाडस दिन नाओमी नजिक गइन् । त्यसपछिको प्रतिक्रयामा दुवैले आँसु रोक्न सकेनन् । कोकोले ओसाकाकै उत्प्रेरणाले खेल खेलेको बताइन् । विश्व नम्बर एक ओसाकासँगको उक्त खेलबाट धेरै कुरा सिक्न पाएको बताइन् । साथै अन्त्यमा त्यो माहोलका लागि ओसाकालाई धन्यवाद दिइन् ।
ओसाका पनि प्रतिक्रिया दिने क्रममा भावविह्वल भइन् । उनले आफू ‘नरुने’ भने पनि आँसु पुछिरहेकी थिइन् । उनले आगामी खेलहरूका बारे सोधिएको प्रश्नमा आफ्नो दिमागले काम नगरिरहेको बताइन् । उनले कोको गौफ निकै प्रतिभावान खेलाडी भएको भन्दै हौसला दिइन् ।
ओसाका सन् २०१८ को युएस ओपन टेनिस र २०१९ को अस्ट्रेलियन ओपन टेनिसको च्याम्पियन हुन् ।
भिडियो