भारतको अर्थव्यवस्था अति चिन्ताजनक : मनमोहन सिंह
![भारतको अर्थव्यवस्था अति चिन्ताजनक : मनमोहन सिंह](https://annapurnapost.prixacdn.net/media/albums/manmohan-singh-india_20190901120607_hKrcnfQIwM.jpg)
नयाँदिल्ली : भारतीय पूर्व प्रधानमन्त्री मनमोहन सिंहले भारतीय अर्थव्यवस्थाको अवस्था अति चिन्ताजनक रहेको बताएका छन् ।
मनमोहन सिंहले नरेन्द्र मोदी सरकारका कारण अर्थव्यवस्थामा मन्दी आएको टिप्पणी गरेका हुन् । सरकारले दुई दिनअघि नै तथ्यांक जारी गरिको थियो । जहाँ अर्थव्यवस्थाको वृद्धिदर पछिल्लो ६ वर्षमा सबैभन्दा न्युन रहेको बताइएको छ ।
डा. मनमोहन सिंहको एक अर्थशास्त्रीको रुपमा पनि पहिचान छ । बिबिसी हिन्दीका अनुसार यसरी लगातार गिरावट आउनु भारतको लागि अति जटिल अवस्था हुने उनले बताएका छन् ।
‘लगातार गिरावट जारी रह्यो भने भारतका लागि अति जटिल अवस्था हुनेछ । म आग्रह गर्छु कि सरकार प्रतिशोधको राजनीतिबाट बाहिर आओस् । अर्थव्यवस्थाको यस्तो हालत सरकारको गल्तीहरुबाटै बनेको हो ।’
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)