पिटरले ठक्कर दिँदा दुई घाइते
ओखलढुंगा : टिपरले मोटरसाइकललाई ठक्कर दिँदा मानेभञ्ज्याङ गाउँपालिकामा दुईजना घाइते भएका छन् ।
मंगलबार दिउँसो साढे १२ बजे मानेभञ्ज्याङ ५ को जेरुङ गाउँमा बा ५ ख १२३ नम्बरको टिपरले ठक्कर दिँदा मोटरसाइलमा सवार मानेभञ्ज्याङ– ६ का ३० वर्षीय एबिराज राई र सोही ठाउँका वर्षीय २६ का ब्रितम राई घाइते भएका हुन्।
घाइतेमध्ये एबिराजको अवस्था गम्भीर रहेकाले थप उपचारको लागि काठमाडौं पठाइएको छ। उनको टाउको र खुट्टामा चोट छ।
सामान्य उपचारपछि उनलाई सिम्रिक एयरको हेलिकप्टरमार्फत् काठमाडौं पठाइएको हो। जिल्ला प्रहरी कार्यालय ओखलढुंगाका प्रहरी निरीक्षक राजीव श्रेष्ठका अनुसार चालकलाई नियन्त्रणमा लिएर अनुसन्धान सुरु भएको छ।