वासिङ्टन : हलिमा अडेनले सुन्दैआएको कुरा छ, ‘तिमी पूर्ण सोमाली नागरिक हैनौ, तिमी असल मुस्लिम हैनौ, तिमी पूर्ण अमेरिकी नागरिक पनि हैनौ, मसँग विविध पहिचान छ, तिनै विविध चिजले मलाई म को हुँ भन्ने पुष्टि गर्छ ।’
तर २१ वर्षीया सोमाली–अमेरिकन मोडेललाई यस्तै कुराले सधैँ संघर्षका लगि प्रेरित गरिरहन्छ । जव विश्वले तपाईँ एक वा अर्को भएको देख्न चाहन्छ भने त्यो सजिलो छैन ।
हलिमा अमेरिकाको मिनेसोट्टास्थित ‘मिस अमेरिका’को प्रतिष्पर्धामा सहभागी भएको पनि दुई वर्ष बितिसक्यो ।
हिजाब र बुर्का पहिरनमा सजिएर सुन्दरी प्रतिष्पर्धामा सहभागी हुने हलिमा नै संसारभर पहिलो युवती थिइन् । जुन बेला एक सोमाली शरणार्थी युवतीको बुर्कासहितको भव्य तस्बिर फेशन म्यागजिनले महत्वका साथ कभरमा छापेको थियो ।
रोचक त के भने, न्युयोर्क फेशनविकमा हलिमाले आफ्ना लागि पृथक किसिमको ड्रेस फेशन उद्योगमा अर्डर दिइन् । खासमा हलिमा जन्मिएको ठाउँ नै फरक संसार जस्तो थियो । शरणार्थीको रुपमा उनी केन्या पुगिन् । पछि अमेरिकासम्म पुगेर मोडलिङ गर्न थालिन् । कुनै पनि मुस्लिम युवतीका लागि यस्तो यात्रा कठिन मात्रै हैन, असम्भवप्रायः छ ।
हलिमाकी आमा नै उनको यस्तो कामबाट सन्तुष्ट छैनन् । उनी आफ्नी छोरीले स्थायी रुपमा जागिर खाएर बसोस् भन्ने चाहन्छिन् । फेशनको दुनियाँमा हराएर परिवार, आफन्तलाई बिर्सने पो हो कि भन्ने चिन्ता पनि उनकी आमालाई छ ।
फिल्म मेकर माइक सम र अर्थर नजर्यानका अनुसार हलिमा अडेन २०१६ मा सार्वजनिक रुपमा चिनिएकी हुन् । जतिबेला उनी अमेरिकामा सुन्दरी प्रतियोगितामा बुर्का लगाएरै उत्रिइन्, त्यसै बेलादेखि उनलाई धेरैले चिनेका हुन् । संयोग कस्तो भने, डोनल्ड ट्रम्प अमेरिकी राष्ट्रपति निर्वाचनमा भाग लिन उक महिनाभन्दा थोरै समयको तयारीमा थिए ।
त्यसै बेला हलिमा सोमाली–समुदायको प्रतिनिधिको रुपमा सौन्दर्य प्रतियोगितामा क्याटवक गर्दै थिइन् । ट्रम्प आफ्नो देशका मुस्लिम नेत्रीहरुप्रति आक्रोशित भइरहँदा हलिमाको संघर्ष थप रोचक हुनेछ ।
प्रतिक्रिया दिनुहोस !
