वीरगन्ज : नेपाल प्रहरीका जवान घुससहित पक्राउ परेका छन्। अख्तियार दुरुपयोग अनुसन्धान आयोग हेटौँडाको टोलीले सोमबार जिल्ला प्रहरी कार्यालय पर्सामा कार्यरत प्रहरी जवान गम्हीरा साह तेलीलाई पाँच हजार घुससहित पक्राउ गरेको हो।
वीरगन्जको माईस्थान चोकको भरत दही एण्ड स्वीट पसलममा बसेर सेवाग्राहीसँग घुस लिँदै गरेको अवस्थामा अख्तियारको टोलीले जवान तेलीलाई पक्राउ परेको छ। पक्राउ परेका प्रहरी जवान, जिल्ला प्रहरी कार्यालय पर्साको प्रहरी सहायता कक्षमा कार्यरत थिए।
घुस रकमसहित पक्राउ परेका जवान तेलीलाई अख्तियारको टोलीले हेटौँडा लिएर गएको अख्तियार शाखाका अधिकृत कृष्ण सुवेदीले जानकारी दिए। जिल्ल प्रहरी कार्यालय पर्साका प्रवक्ता प्रहरी नायव उपरिक्षक अनन्तराम शर्माले भने अख्तियारको टोलीले वीरगन्जबाट एक प्रहरी जवानलाई घुस रकमसहित नियन्त्रणमा लिएको खबर आफुले पनि सुनेको तर यस बारे विस्तृत विवरण आफुलाई थाहा नभएको बताए।
प्रतिक्रिया दिनुहोस !
