काठमाडौं : शुक्रबार काठमाडौंको गोलढुंगामा गोली चलेको छ। महानगरीय अपराध महाशाखाको टोलीले साजन गुरुङलाई गोली हानेको हो।
धादिङ स्थायी घर भएका गुरुङ कर्तब्य ज्यान मुद्दामा मुछिएका आरोपी हुन्। गुरुङ प्रहरीको नियन्त्रणबाट भाग्न लाग्दा प्रहरीले गोली चलाएको अपराध महाशाखाका प्रमुख प्रहरी वरिष्ठ उपरीक्षक सहकुलबहादुर थापाले जानकारी दिए।
थापाका अनुसार गोलढुङ्गास्थित फूलबारी रेष्टुराँबाट पक्रन खोज्दा प्रहरीलाई आक्रमण खोजेपछि गोली प्रहार गरेर नियन्त्रणमा लिइएको हो।
घाइते गुरुङको वीर अस्पतालमा उपचार भइरहेको छ। उनको खुट्टामा गोली लागेको छ। धादिङ घर भएका गुरुङ लामो समयदेखि गुण्डागर्दीमा संलग्न हुँदै आएको प्रहरीको जिकिर छ। उनका साथबाट एक थान कटुवा पेस्तोलसमेत बरामद भएको महाशाखाले जनाएको छ।
प्रतिक्रिया दिनुहोस !
