बाजुरा : बाजुराको हिमाली गाउँपालिका ३ गुम्बा गाउँमा भालुको आक्रमणबाट एकजना गम्भीर घाइते भएका छन्। घाइते हुनेमा रामसिंह भोटे थापाका ३५ वर्षीय छोरा मंगल भोटे थापा रहेको जिल्ला प्रहरी कार्यलय बाजुराका निमित्त कार्यलय प्रमुख तथा प्रहरी निरीक्षक जनक ढुंगानाले जानकारी दिए ।
सोमबार बिहान ९ बजे वस्तु भाउ चराउन जंगल गएको समयमा थापालाई गम्भीर घाइते बनाएको हो । गम्भीर घाइते थापाको उपचारका लागि जिल्ला बाहिर लैजानुपर्ने भएकाले हेलिकप्टर व्यवस्थाका लागि कुरा भइरहेको निरीक्षक ढुंगानाले बताए। गुम्बा गाउँ बाजुरा जिल्ला सदरमुकामबाट चार दिनको पैदल दुरीमा पर्दछ।
प्रतिक्रिया दिनुहोस !
१
