काठमाडौं : गायकको पनि परिचय बनाइसकेका पत्रकार अनुप ओझाले नयाँ गीत ‘संसारै बैमानी’ सार्वजनिक गरेका छन् ।
आफ्नै रचनामा उनले ल्याएको ‘म्युजिक भिडियो’मा वैदेशिक राजगारीका लागि संघर्षरत एक युवाको मार्मिक कथा समेटिएको छ । पैशाको पछि दगुरेको वर्तमान समाजको भुमरीमा आफ्नो इमान बचाइराखेका संघर्षशील युवाहरु कसरी बैमानी बन्न बाध्य बनाइँदा रहेछन् भन्ने विषयलाई अनुपले कलात्मक रुपमा व्यंग्य गरेका छन् ।
अनुप आफैँले भिडियोमा मुख्य अभिनय गरेका छन् । उनको साथमा विजय बराल, प्रकास गन्दर्भ लगायत कलाकारको भुमिका छ । अघिल्लो वर्ष अनुपले आफ्नै रचनामा ‘वारीको डाँडामा म, पारीको डाँडामा तँ’ ल्याएका थिए ।
शुक्रबार मन्डला थिएटरमा उनको म्युजिक भिडियो सार्वजनिक गरिँदा गीतसँग जोडिएको अनुपको व्यक्तिगत संघर्ष पनि प्रस्तुत भएको थियो । झण्डै १० वर्षयता सक्रिय पत्रकारितामा रहेका ओझाले पछिल्लो समय सांगीतिक सिर्जना पनि गर्दैआएका छन् । उनीसँग ‘थिएटर एक्टिङ’को पनि अनुभव छ ।
प्रतिक्रिया दिनुहोस !
