काठमाडौं : अन्तर्राष्ट्रिय शान्ति दिवस मनाइएको छ । युथ पिस फाउन्डेसनको आयोजनामा युवाले शान्ति पदयात्रा गरेर दिवस मनाएका हुन्। शान्ति दिवसका अवसरमा सामाखुसीमा वृक्षारोपन गरिएको छ । 'शान्ति सम्भव' भन्ने बेलुन उडाएर सुरु गरिएको पदयात्रा रत्नपार्क हुँदै प्रहरी क्लब, कुटिमण्डपमा पुगेको थियो ।
पदयात्रामा सहभागीले शान्तिप्रति उत्प्रेरणा जगाउने विभिन्न भनाइ तथा नाराहरु लेखिएका प्लेकार्डहरु बोकेका थिए । सर्वोच्च अदालतका पूर्व रजिष्ट्रार तथा नेशनल ल कलेजका प्रिन्सिपल डा. रामकृष्ण तिमिल्सिनाले आमाको गर्भदेखि नै बच्चालाई शान्ति सम्बन्धि सन्देश र वातावरण दिनुपर्ने बताए ।
अन्तर्राष्ट्रिय वक्ता तथा शान्तिदूतको रुपमा संसारभर प्रशिद्ध प्रेम रावतको प्रेरणादायी भीडियोको साथै दिवसबारे जानकारी दिन भीडियो समेत प्रदर्श गरिएको थियो।
प्रतिक्रिया दिनुहोस !
