बागलुङ : नेत्रविक्रम चन्द (विप्लव) नेतृत्वको प्रतिबन्धित नेकपा तनहुँका जिल्ला नेता अमृत सापकोटाले जिल्ला प्रशासन कार्यालय बागलुङमा आत्मसमर्पण गरेका छन्।
व्यास नगरपालिका-१४ का ३१ वर्षीय सापकोटालाई जिल्ला प्रहरी कार्यालय बागलुङले भदौ २० गते गिरफ्तार गरेको थियो।
आइतबार जिल्ला प्रशासन कार्यालय बागलुङबाट १० हजार धरौटीमा छुटे लगत्तै प्रशासनमै आत्मसमर्पण गरेको बागलुङका प्रमुख जिल्ला अधिकारी लुकबहादुर क्षेत्रीले बताए।
लामो समयसम्म नेकपाको सक्रिय राजनीति गरेका सापकोटाले पछिल्लो समय पार्टीको गतिविधिमा सहभागिता जनाउन छोडेको बताए। बागलुङमा यसअघि जिल्लाको ढोरपाटन नगरपालिकाका नेकपा सम्वद्ध हरिबहादुर कुवरले प्रशासनमै आत्मसमर्पण गरेका थिए।
तस्बिरः जिल्ला प्रशासन कार्यालय बागलुट्टमा आत्मसमर्पण गर्दै तनहुँका नेकपा नेता अमृत सापकोटा।
प्रतिक्रिया दिनुहोस !
