तरकारी बोकेको जिप दुर्घटना: एकको मृत्यु, ६ घाइते

सल्यानः तरकारी बोकेको जीप दुर्घटना हुँदा सल्यानमा एकको ज्यान गएको छ । दुर्घटनामा ६ जना घाइते भएका छन। बिहीबार राति कपुरकोट गाउँपालिका- ४ किमचौरबाट कपुरकोटका लागि छुटेको जिप दुर्घटना भएको हो । 

लु १ च ४२५३ न जीप किमचौरको भित्रि सडकमा दुर्घटना हुँदा किमचौर निवासी ६७ वर्षीया कर्मी पुनको ज्यान गएको प्रहरीले जनाएको छ । उनको अञ्चल अस्पताल तुलसीपुर दाङमा उपचारको क्रममा मृत्यु भएको जिल्ला प्रहरी कार्यालय सल्यानले जनाएको छ ।
 

जीप दुर्घटनामा कपुरकोट गाउँपालिका  ४ की ६८ वर्षीया महिनीपुन, ५३ का लोकबहादुर घर्ती, ५३ का टिकाराम घर्ती, २४ वर्षिीया कृष्णा घर्ती, ४३ का तीलकपुन  र ३७ वषीय तिलकपुन घाइते भएका छन्। घाइते सबैको अञ्चल अस्पताल तुलसीपुरमा उपचार भइरहेको छ । 

कपुरकोटमा शुक्रबार लाग्ने हाट बजारमा बिक्रीका लागि तरकारी ल्याउँदै गर्दा जिप दुर्घटना भएको प्रहरीको भनाई छ ।जीप चालक र सहचालकलाई प्रहरीले नियन्त्रणमा राखेको छ।