कालिकोट : जिल्ला ब्याडमिन्टन संघ कालिकोटले आयोजना गरेको खुला ब्याडमिन्टन प्रतियोगिताको विजेतालाई खसी पुरस्कार प्रदान गरिएको छ । विजयादशमीको अवसरमा जिल्लामा पहिलो पटक आयोजना गरिएको खुला ब्याडमिन्टन प्रतियोगितामा प्रथम हुने जिल्ला प्रहरी कार्यालय कालिकोटको टिमलाई खसी पुरस्कार प्रदान गरिएको हो ।
गत मंगलबारदेखि सुरु भएको उक्त प्रतियोगितामा जिल्लाभरीका १२ वटा टिम सहभागी भएको जिल्ला ब्याडमिन्टन संघ कालिकोटका अध्यक्ष भरतराज बिष्टले बताए ।उनका अनुसार जिल्ला प्रहरी कार्यालय कालिकोटका प्रमुख डिएसपी श्यामबाबु ओली र प्रहरी हवलदार धिरेन्द्र शाहीको टिम प्रथम भएको थियो ।
उक्त टिमलाई प्रमुख अतिथि संविधानसभा सदस्य तुलाराज बिष्टले पुरस्कारस्वरुप खसी हस्तान्तरण गरेका हुन् । उनका अनुसार प्रतियोगितामा दोस्रो जिल्ला प्रहरी कार्यालयकै लेखापाल रमेश पन्थी, राजेन्द्र केसी, तृतीय कालिकोट युथ क्लबका सुमन बिष्ट, नमराज मल्ल र जिल्ला ब्याडमिन्टन संघ कालिकोटका भरतराज बिष्ट, विकाससिंह बमका बाबु छोरा टिम शान्त्वना स्थान हाँसिल गरेका छन् ।
प्रतिक्रिया दिनुहोस !
