धादिङ : धादिङवेशी आरुघाट सडकखण्ड अन्तरगत नीलकण्ठ नगरपालिका वडा नं ९ पौवाखाल्टोमा ट्याक्टर दुर्घटना हुँदा ९ जना मजदुर घाइते भएका छन्।
दुर्घटनामा गम्भीर घाइते भएका जाजरकोट जिल्ला छेडागाढ नगरपालिका वडा नं ५ का कर्णबहादुर चदरा र कृष्णबहादुर राउतको अवस्था चिन्ताजनक रहेको छ। उनीहरुलाई जिल्ला अस्पताल धादिङवेशीमा सामान्य उपचारपछि थप उपचारको लागि काठमाडौं स्थित ट्रमा सेन्टर पठाइएको छ।
घटनामा घाइते भएका अन्य ७ जना मजदुरहरुको जिल्ला अस्पताल धादिङवेशीमै उपचार भइरहेको छ। ट्याक्टर चालक उदयपुरका संजय चौधरी र ट्याक्टरलाई नियन्त्रणमा लिइएको जिल्ला प्रहरी कार्यलय धादिङका सुचना अधिकारी डिएसपी रुपक खड्काले जानकारी दिए।
प्रतिक्रिया दिनुहोस !
