इलाम : इलाम नगरपालिका–२ सुम्बेकमा ड्युटी हिँडेका प्रहरी सहायक निरिक्षक रवि मगरको मृत्यु भएको छ। अस्थायी प्रहरी चौकी बिब्ल्याँटेका इञ्चार्ज मगरको बा २ बा २२८८ नम्बरको मोटरसाइकल दुर्घटना हुँदा छाँगे खोलामा मृत्यु भएको हो।
इटहरी घर भएका ४५ वर्षे मगर सुम्बेकमा झगडा भएको खबर पाएपछि दुई बजे त्यता गएका थिए। हिलो सडकमा मोटरसाइकल चिप्लिएर मगरको मृत्यु भएको जिल्ला प्रहरी कार्यालय इलामका डिएसपी हेमन्त भण्डारी क्षेत्रीले जनकारी दिए।
सडक भन्दा ५० मिटर तल खसेको उनको शव निकालेर पोष्टमाटमका लागि इलाम अस्पतालमा ल्याइएको छ। उनीसँगै सवार प्रहरी जवान राम सेवक मोची घाइते भएका छन्। उनको इलाम अस्पतालमा उपचार भइरहेको प्रहरीले जनाएको छ।
प्रतिक्रिया दिनुहोस !
