वीरगन्ज : तिहार र छठ पर्व आउन एक महिना बाँकी रहे पनि अहिलेदेखि नै पटाका र पटाकाजन्य वस्तुको तस्करी सुरु भएको छ । चाडलाई मध्यनजर गरी प्रहरीले भारतसंग जोडिएका बारा र पर्साका मुख्य नाकामा चेकजाच र निरागनीमा कडाइ गरेपछि कारोबारीले अहिले ग्रामीण भेगका नाका प्रयोग गरेर भारतबाट पटाका भित्र्याउन थालेका हुन् ।
यसैक्रममा भारतबाट अवैध रुपमा भित्र्याइएको पटाका, बाराको ग्रामीण भेगबाट प्रहरीले बिहीबार राति पक्राउ गरेको हो ।
कलैया उपमहानगरपालिका वडा नम्बर १३ छोटकी फुलवरिया गाँउबाट प्रहरीले ना ४ च ६९५९ नम्बरको बलेरो पिकअप गाडीमा लुकाइ छिपाइ ल्याइएको ८ बोरा पटाका बरामद गरेको हो ।
बरामद गरिएका पटाकाको बजार मुल्य करिब १२ लाख रुपैयाँ रहेको बाराका प्रहरी प्रवक्ता प्रहरी नायव उपरीक्षक रन्जित सिंह राठौरले जानकारी दिए ।
प्रहरीले पटाका ओसार्न प्रयोग गरिएको बोलेरो पिकअप गाडीसहित पटाका तस्करीमा संलग्न तीन जनालाई पनि पक्राउ गरेको छ । पक्राउ पर्नेहरुमा बाराको जितपुर सिमरा उपमहानगरपालिका १८ बडहर्वाका २० वर्षीय सुकमान लामा, कलैया उपमहानगरपालिका १ का २० वर्षीय बिरेन्द्र यादव र वडा नम्बर १ कै मोतिबागका १८ वर्षीय रूपेश दास रहेका छन् । ती मध्ये सुकमान बोलेरो गाडीका चालक हुन् ।
प्रतिक्रिया दिनुहोस !
