जनकपुरधाम : जनकपुरस्थित बुद्ध एयरको काउन्टरमा तोडफोड गरेको आरोपमा राजपा नेपालका सांसद प्रमोद कुमार साहलाई जिल्ला अदालत धनुषाले चार दिनको म्याद थप गरेको छ । महानगरीय अपराध नियन्त्रण महाशाखा काठमाडौंको टोलीले मंगलबार दिउँसो पक्राउ गरी जनकपुरधाम पठाएका सांसद साहलाई अनुसन्धानका लागि चार दिने म्याद थप गरिएको हो।
जिल्ला अदालत धनुषाको इजलास नं. १ का न्यायधिश तीर्थप्रसाद केसीको इजलासले सांसद साहलाई अनुसन्धानका लागि ४ दिनको म्याद थप गरेको हो। त्रिभुवन अन्तर्राष्ट्रिय विमानस्थलबाट ओखलढुङ्गा जाने क्रममा साहलाई पक्राउ गरिएको हो।जहाज उडाउन ढिलाइ गरेको भन्दै साहले सोमबार बुद्ध एयरको काउन्टरमा तोडफोड गरेको प्रहरीले जनाएको छ ।
पक्राउ परेका सांसदको रिहाईको माग गर्दै राजपाले आज एक घन्टा सडक जाम गरेका छन्। सर्लाही क्षेत्र नं. १ राष्ट्रिय जनता पार्टी (राजपा) नेपालबाट प्रतिनिधिसभामा निर्वाचित सांसद साहलाई पक्राउ गरिएपछि राजपा नेपाल आन्दोलित भएको छ।
प्रतिक्रिया दिनुहोस !
