काठमाडौं : क्रिकेटर सन्दीप लामिछाने टी-१० लिग क्रिकेटमा अनुबन्धित भएका छन्। युनाइटेड अरब इमिरेट्स (युएई) मा हुने टी-१० लिगका लागि जारी ड्राफ्टबाट लेग स्पिनर सन्दीपलाई कर्नाटकाले पहिलो चरणमा लिएको हो।
विदेशी कोटामा अनुबन्धित भएका सन्दीपले ४५ हजार अमेरिकी डलर पाउने छन् । सन्दीपले गत सिजन केरला किङसबाट खेलेका थिए।
आबुधाबीस्थित शेख जायद अन्तर्राष्ट्रिय क्रिकेट रंगशालामा आगामी नोभेम्बर १५ देखि २४ सम्म आयोजना हुने लिगमा ८ टिमले प्रतिस्पर्धा गर्नेछन्।
यस्तै सन्दीप 'द हन्ड्रेड लिग'काे ड्राफ्टमा पनि परेका छन्। पहिलोपटक इङ्ल्यान्ड र वेल्समा हुन लागेको १०० बलको खेलमा खेल्ने खेलाडीको अन्तिम ड्राफ्ट अक्टाेबर २० मा खाेलिनेछ।
प्रतिक्रिया दिनुहोस !
८
