यस्ता छन् बरफका ५ फाइदा

-घरको सुन्दरताका लागि प्रयोग गरिने हाउस प्लान्टले घरको हावालाई पनि शुद्ध गर्छन्। ती घरभित्र राखिएका बोटबिरुवालाई स्याहारसम्भार चाहिन्छ। त्यसका लागि आइस क्युब अर्थात् बरफलाई तिनमा राखिदिनुपर्छ।

-स–साना मुख भएका बोतल सफा गर्नु झन्झटिलो काम हो। तर, बरफको मद्दतले तिनलाई सजिलै सफा गर्न सकिन्छ। बोतलमा नुन, कागती, आइस क्युब हालेर बेस्कन हल्लाउनुपर्छ। यसो गर्दा बोतल सफा हुन्छ।
-कपडामा चुइँगम टाँसिएमा त्यस भागमा बरफ लगाउनुपर्छ। केही बेर यसै छोडिदिनुपर्छ। त्यसपछि चम्चाको मद्दतले टाँसिएको चुइँगम निकाल्नुपर्छ।

-कपडामा अचार, चिसा, जुसको दाग लागेमा तुरुन्त आइस क्युब दल्नुपर्छ। यसो गर्दा दाग बस्दैन।

-माइक्रोवेभमा भात तताउँदा सुक्खा भएर, हल्का कडा हुन्छ। त्यसैले भात तताउने कचौरामा तीनचार वटा आइस क्युब राखेर भात तताइयो भने कडा हुँदैन।