बैतडी : बैतडीमा मोटरसाइकल र जिप ठोक्किँदा एकजना घाइते भएका छन्। दुर्घटनामा मोटरसाइकल चालक दशरथचन्द नगरपालिका गोठलापानीका किसन जोशी घाइते भएका हुन्।
झुलाघाटवाट गोठलापानीतर्फ आइरहेको म १ ज १७८ नम्बरको जिप र गोठलापानीबाट झुलाघाटतर्फ गइरहेको बा ५९ प ३०९१ नम्बरको मोटरसाइकल आइतबार दिउँसो १ बजे अद्धारीपिण्ड भन्ने स्थानमा ठोक्किएका हुन्।
घाइते जोशीको जिल्ला अस्पतालमा उपचार हुन नसकेपछि थप उपचारका लागि भारतको पिथौरागढ रेफर गरिएको बैतडीका प्रहरी प्रवक्ता किसन चन्दले जानकारी दिए।
प्रतिक्रिया दिनुहोस !
