काभ्रे : सुनकोसी नदीमा बस दुर्घटनाका घाइतेलाई भेट्न नेपाली कांग्रेसका सभापति शेरबहादुर देउवा धुलिखेल अस्पताल पुगेका छन्।आइतबार दिउँसो भएको दुर्घटनाका घाइतेलाई भेट्न देउवा सोमबार बिहान धुलिखेल अस्पताल अइपुगेका हुन्।
देउवाले दुर्घटनाका घाइतेलाई भेट्दै स्वस्थ्यलाभको कामना गरे। घाइते जीवन खडका, प्रनिब आलेमगर र सबिता थापाको धुलिखेल अस्पतालमा उपचार भइरहेको अस्पतालले जनाएको छ ।
कांग्रेस सभापतिसँगै सिन्धुपाल्चोकका पूर्वमन्त्री मोहन बस्नेत, काभ्रेका पूर्व सांसद तीर्थ लामा, कञ्चन चन्द्र बादे श्रेष्ठ, कांग्रेस केन्द्रीय सदस्य शिव हुमागाई जिल्ला सभापति मधु आर्चायलगायत अस्पताल पुगेका हुन् । धुलिखेल अस्पतालमा दुर्घटनाका घाइतेलाई भेट्दै देउवा सिन्धुपाल्चोक घटनास्थलतर्फ लागेका छन्। 
प्रतिक्रिया दिनुहोस !
