बाजुरा : आगामी मंसिर १४ गते हुने उपनिर्बाचनको बाजुरामा चहलपहल बढेको छ । बाजुरा जिल्लाको त्रिबेणी नगरपालिका १ मा वडाध्यक्षका लागि उपनिर्वाचन हुने भएको छ। सत्ता रुढ दल नेपाल कम्युनिस्ट पार्टी नेकपाको तर्फबाट मन्राज बुढालाई सिफारिस गरी प्रदेश कमिटीमा पठाएको नेकपा जिल्ला कमिटी सचिव भरत बुढाले जानकारी दिए ।
२०७४ को स्थानीय तहको निवार्चनमा वडाध्यक्षका प्रत्यासी बुढाले ३५ मतले पराजय भएका थिए । पराजय भएका बुढालाई नै उपनिर्वाचनमा पनि उम्मेदबार बनाएर टिकट दिने निर्णय गरेको नेकपा जिल्ला कमिटी सचिव बुढाले बताए ।
त्यस्तै नेपाली कांग्रेस जिल्ला कार्य समिति बाजुराले वडाध्यक्ष पदका लागि खगेन्द्र चदारालाई सर्बसम्मत उम्मेदवार छनौट गरेको छ । नेपाली कांग्रेस केन्द्रीय कार्यलयमा चदाराको नाम सर्बसम्मत सिफरिस गरि पठाएको पार्टी सभापति कबिराज पण्डितले बताए।
आगामी मंसिर १४ गते हुन गैरहेको उप-निर्वाचनमा नेपाली कांग्रेसको तर्फबाट नगरकार्य समितिले सर्वसम्मत प्रदेश 'ख'लाई सिफारिस गरेपछि जिल्ला कार्य समितीबाट पनि अनुमोदन गरी केन्द्रीय कार्यालयमा पठाएको पार्टी सभापति पण्डितले बताए ।
उक्त वडामा हाल १ हजार ३९ मतदाता संख्या रहेको कार्यवाहक वडाध्यक्ष भुवने चदाराले जानकारी दिए । तत्कालिन वडाध्यक्ष खम्म नेपालीको २०७५ अषाढ १३ गते जीप दुर्घटना परी मृत्यु भएको थियो ।
२०७४ को स्थानीय तहको निर्वाचनमा ३ सय ६५ मत प्राप्त गरी विजयी भएका थिए। त्यतिबेला जम्मा सात सय मत खसेको कार्यबाहक अध्यक्ष चदाराले बताए।
प्रतिक्रिया दिनुहोस !
