आलमविरुद्ध ज्यान उद्योगमा मुद्दा दर्ता (भिडियाे)
रौतहट : बम विस्फोटका घाइतेलाई इँटाभट्टामा जलाएर हत्या आरोपमा पक्राउ परेका अभियुक्त मोहम्मद अफताव आलमविरुद्ध सोमबार जिल्ला अदालत रौतहटमा जन्मकैदको मागसहित मुद्दा दर्ता भएको छ। सरकारी वकिल कार्यालयले सोमबार दिउँसो मुद्दा दर्ता गरेको सरकारी वकिल खडिन्द्रराज कटवालले जानकारी दिए।
कर्तव्य ज्यान, ज्यान मार्ने उधोग, बिस्फोटक पदार्थसम्बन्धी कसुरमा नेता आलमसहित ११ जनाविरुद्द मुद्दा दर्ता भएको छ। समय अभावका कारण थुनछेक बहस भने मंगलबारबाट सुरु हुनेछ। १२ वर्षअघि रौतहटमा इँटा भट्टाभित्र जिउँदै मान्छे जलाएको भन्ने अनुसन्धान प्रतिवेदनका आधारमा सरकारी वकिलको कार्यालयले मुद्दा चलाउने निर्णय गरेको हो । सोमबारै आलमलाई जिल्ला अदालत लगिएको छ।
सर्वोच्च अदालतको निर्देशन अनुसार जिल्ला प्रहरी कार्यालय रौतहटले असोज २६ गते बमकाण्डका मुख्य आरोपित आलमलाई पक्राउ गरेको थियो।