प्रधानमन्त्रीका निजी चिकित्सक आयोगको सदस्यमा मनोनित
![प्रधानमन्त्रीका निजी चिकित्सक आयोगको सदस्यमा मनोनित](https://annapurnapost.prixacdn.net/media/albums/divya-shah_20191104122239_F38hVVGNvS.jpg)
काठमाडौं : प्रधानमन्त्रीको निजी चिकित्सक प्राध्यापक डा. दिव्यासिंह शाह चिकित्शा शिक्षा आयोगको सदस्यमा मनोनित भएकी छन् । उनलाई प्रधानमन्त्रीले सोमबार सदस्यमा नियुक्त गरेका हुन् । आयोगको अध्यक्ष प्रधानमन्त्री हुने व्यवस्था छ ।
आयोगका अनुसार चिकित्शा शिक्षा कार्यक्रम संचालन भएका विश्वविद्यालय र प्रतिष्ठानका उपकुलपतिहरु मध्येबाट तीन जनालाई पनि सदस्यमा मनोनित गरिएको छ । जसमा त्रिभुवन विश्वविद्यालय, पाटन स्वास्थ्य विज्ञान प्रतिष्ठान तथा बपिी कोईराला स्वास्थ्य विज्ञान प्रतिष्ठानका उपकुलपति रहेका छन् ।
एसोसियसन अफ हेल्थ प्रोफेसन्स एजुकेसनिष्ट अफ नेपालका अध्यक्ष तथा नेपाल नर्सिङ संघका अध्यक्ष पनि सदस्यमा मनोनयन गरिएको छ ।
स्वास्थ्य सम्बन्धी राष्ट्रिय तहका मेडिकल तथा नर्सिङ लगायत आधिकारिक पेशागत संगठनका अध्यक्षहरु मध्येबाट कम्तिमा एकजना महिला सदस्य रहने ऐनमा व्यवस्था भएको छ । प्राडा. दिव्यासिंह शाह, प्राडा. शैली प्रधान, प्राडा. जगदीश अग्रवाल पनि सदस्यमा नियुक्त भएको शिक्षा मन्त्रालय जनाएको छ । आयोगको कार्यकारी उपाध्यक्षमा यसअघि नै प्रा. डा. श्रीकृष्ण गिरी नियुक्त भएका थिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)